Komnir í undanúrslit

Íslenska sprotafyrirtækið Cloud Engineering er komið í undanúrslit með Datatracker-hugbúnaðinn fyrir Arctic15-ráðstefnuna sem haldin verður í Helsinki í október.

Í Morgunblaðinu í dag kemur fram, að fyrirtækið er tilnefnt í flokki sprotafyrirtækja og keppir það við fjögur önnur verkefni um að komast í sjálf úrslitin hinn 18. október þar sem 15 teymi munu kynna vörur sínar fyrir væntanlegum fjárfestum.

Arctic15 er viðburður fyrir fagfjárfesta og frumkvöðla sem starfa á Norðurlöndunum
og í Eystrasaltslöndunum. Yfir 400 aðilar úr norðurevrópska fjárfestinga- og
frumkvöðlaheiminum mæta árlega á ráðstefnuna og er þetta í fyrsta sinn sem íslenskt
fyrirtæki er tilnefnt til þátttöku.

• Blogga um frétt