Tákn um að einkaneysla dragist saman

Raunaukning í kortaveltu einstaklinga innanlands í júlí og ágúst var aðeins 0,6%. Þetta gefur fyrirheit um að vöxtur einkaneyslu á þriðja ársfjórðungi verði hægari en á undanförnum fjórðungum og jafnvel sá hægasti síðan á fyrsta fjórðungi í fyrra. Þetta kemur fram í morgunkorni greiningardeildar Íslandsbanka í morgun.

Það kemur meðal annars fram að kortavelta einstaklinga innanlands hafi í síðasta mánuði dregist saman um 2,6% að raungildi milli ára. Bent er á að taka verði svona sveiflum með fyrirvara, en að leitnin sé engu að síður talsverð. Á fyrstu átta mánuðum ársins hefur kortavelta einstaklinga aukist um 2,5% milli ára, en næstkomandi föstudag mun Seðlabankinn birta tölur fyrir kortaveltu í september.

• 1 blogg um fréttina

Bloggað um fréttina

• Haraldur Haraldsson: Minni vöxtur í einkaneyslu/Hvað segja þessi skilaboð okkur,það eru ekki …