Robert Tchenguiz segir að Richard Alderman, fyrrverandi yfirmaður Serious Fraud Office, eigi að svara fyrir um hlut sinn í rannsókn á Tchenguiz og bróður hans, Vincent. Bræðurnir voru handteknir í tengslum við rannsókn SFO á Kaupþingi. Þeirri rannsókn sem á þeim bræðrum hefur verið hætt.

Í viðtali við breska dagblaðið Telegraph segir Robert Tchenguiz að Alderman hafi verið í persónulegri herferð gegn þeim bræðrum.

„Richard Alderman hafði heimild til þess að eyðileggja líf fólks. Ef hann hefði verið bankamaður eða ráðherra yrði hann látinn sæta ábyrgð. Ef þú gerir eitthvað sem ekki rúmast innan þinna heimilda er augljóst að þú átt að sæta ábyrgð,“ segir Tchenguiz i viðtali við Sunday Telegraph. Er þetta fyrsta viðtalið sem hann hefur veitt síðan rannsókn málsins var hætt.

Hann segir að ekki sé nægjanlegt að Alderman hafi hætt sem forstjóri SFO. Hann sé kominn í nýtt starf og líf hans gengur sinn vanagang. Ekki sé hægt að taka ákvarðanir líkt og þær sem Alderman tók á sínum tíma og komist upp með það án frekari útskýringa. Eðlilegt sé að honum verði gert að útskýra málið.

Tengdar fréttir

Tchenguiz bræður

Dómari krefur Tchenguiz um afsökunarbeiðni

• Fellur frá máli á hendur Jóhannesi
• Tchenguiz sakar Jóhannes um blekkingar
• Fjárfestirinn og samkvæmisljónið Tchenguiz
• 11 lögreglumenn féllu í árás talibana

» Fleiri tengdar fréttir

• Blogga um frétt