Nýr samningur Icelandair og Íslensku

Icelandair og Íslenska auglýsingastofan hafa skrifað undir nýjan samning um áframhaldandi samstarf. Fyrirtækin hafa mörg undanfarin ár átt náið og árangursríkt samstarf á sviði markaðsmála sem hefur meðal annars alið af sér fjölda auglýsingaverðlauna og íslensku markaðsverðlaunin fyrir markaðsfyrirtæki ársins og markaðsmann ársins.

Í tilkynningu frá Icelandair kemur fram að samningurinn taki til markaðsstarf hér á íslenska markaðinum, en ekki síður til hins umfangsmikla markaðs- og auglýsingastarfs Icelandair á erlendum neytendamörkuðum í Evrópu, Norður-Ameríku og ýmsum fjarlægari löndum.

„Icelandair er eitt öflugasta markaðsfyrirtæki landsins,“ segir Hjalti Jónsson, framkvæmdastjóri Íslensku. „Sterk sýn á markaðsmál, stefnumótun og skýr markmiðasetning hefur gert það að verkum að samstarf okkar við Icelandair hefur verið mjög farsælt og skapandi.“

Frá undirritun nýs samnings Sigurður Anton

• Blogga um frétt