Breski kaupsýslumaðurinn Robert Tchenguiz er nálægt því að selja Welcome Break vegasjoppur sínar en fyrirtækið er metið á um 300 milljónir punda, 61 milljarð króna.

Er salan liður í fjárhagslegri endurskipulagningu Tchenguiz en hann er afar skuldsettur, samkvæmt frétt Shoropshire Star.

Er bandaríska fjárfestingafyrirtækið M3 Capital Partners, nefnt sem mögulegur kaupandi en Welcome Break rekur níu vegasjoppur. Tchenguiz keypti Welcome Break á uppgangstímum fyrir hrun en hann var afar umsvifamikill í viðskiptum í Bretlandi og víðar á þeim tíma. Þegar Kaupþing féll var hann stærsti skuldari bankans, skuldaði um 230 milljarða króna.

Andvirði sölunnar á vegasjoppunum mun renna til Royal Bank of Scotland, lánveitanda fyrirtækis Tchenguiz's, R20.

Sjá nánar hér

Tengdar fréttir

Tchenguiz bræður

Dómari krefur Tchenguiz um afsökunarbeiðni

• Fellur frá máli á hendur Jóhannesi
• Tchenguiz sakar Jóhannes um blekkingar
• Fjárfestirinn og samkvæmisljónið Tchenguiz
• 11 lögreglumenn féllu í árás talibana

» Fleiri tengdar fréttir

• Blogga um frétt