Icesave-málið skipti lánshæfið miklu
Setja bókamerki
Öll lánshæfisfyrirtækin sem meta lánshæfi ríkissjóðs hafa ítrekað í tilkynningum sínum mikilvægi Icesave-málins fyrir lánshæfismatið, enda hefur niðurstaða þess mikil áhrif á stöðu ríkissjóðs. Þetta kemur fram í morgunkorni greiningardeildar Íslandsbanka. Nýlegt mat Alþjóðagjaldeyrissjóðsins er á þá leið að sæki Bretar og Hollendingar vaxtakröfur á hendur íslenska ríkinu í kjölfar taps fyrir EFTA-dómstólnum, en málaferlin í kjölfarið fara á besta veg, hafa þau í för með sér kostnað fyrir ríkissjóð sem nemur á bilinu 3,5% til 6,0% af vergri landsframleiðslu.
Ef niðurstaðan fer hins vegar á versta veg gæti kostnaðurinn orðið allt að 20% af landsframleiðslu. Miðað við áætlaða landsframleiðslu nýliðins árs munar þarna á milli 285 milljörðum króna, sem óhætt er að segja að sé dágóð upphæð fyrir ríkissjóð, segir greiningin jafnframt.
Moody´s er eina matsfyrirtækið sem er með lánshæfismat ríkissjóðs á neikvæðum horfum, en einkunnir ríkissjóðs eru Baa3/P-3 hjá fyrirtækinu. Í bókum matsfyrirtækjanna Standard & Poor`s og Fitch Ratings eru einkunnir ríkissjóðs stöðugar, og eru einkunnir ríkissjóðs fyrir skuldbindingar í erlendri mynt BBB-/A-3 hjá fyrrnefnda fyrirtækinu en BBB-/F3 hjá hinu síðarnefnda. Ef lánshæfismat ríkissjóðs verður lækkað hjá þessum fyrirtækjum er ríkissjóður kominn með einkunnir í spákaupmennskuflokki, enda er hann nú aðeins einu þrepi frá því að detta niður í þann flokk einkunnar.
Í gær birti EFTA-dómstóllinn tímasetningu dómsuppkvaðningarinnar í Icesave-málinu, það er í máli Eftirlitsstofnunar EFTA gegn íslenska ríkinu. Samkvæmt henni verður dómurinn kveðinn upp hinn 28. janúar næstkomandi kl. 10:30 að íslenskum tíma. Þar verður þó hvorki skorið úr um greiðsluskyldu íslenska ríkisins né skaðabótaábyrgð með beinum hætti, en hugsanlega verður þó hægt að álykta um það út frá niðurstöðu dómsins.
Máttu ekki auglýsa „mesta úrvalið“ og „besta verðið“
Íslendingar vanir að klæða sig vel
Ríkisstjórnin ekki beint á leiðinni í jólafrí
„Umferðin greinilega að þyngjast“
JBT Marel muni einblína á tekjusamlegð
Veðurspáin mjög slæm: Ökumenn fari varlega
Fjallvegir á Vestfjörðum og víða um land á óvissustigi