Nova hagnast um hálfan milljarð

Fjarskiptafyrirtækið Nova hagnaðist um 503 milljónir á síðasta ári, en heildartekjur voru 4,4 milljarðar og jukust úr 3,75 milljörðum árið áður. Viðskiptavinum fjölgaði um 13,3% á árinu og voru í lok þess tæplega 113 þúsund. Þetta kemur fram í ársreikningi félagsins.

Rekstrartekjur voru 4399 milljónir og jukust um 17%, en rekstrargjöld námu 3651 milljónum og jukust um 13%. Skuldir félagsins var 813 milljónir í lok ársins 2012, bókfært eigið fé 2063 milljónir og eiginfjárhlutfall 72%.

Nova setti 672 milljónir í fjárfestingar á árinu, en 3G net félagsins nær nú til 230 senda vítt og breitt um landið. Með því nær félagið til 93% af íbúafjölda landsins.

Laun stjórnar og framkvæmdastjórnar námu 67,5 milljónum á síðasta ári, en það er aukning um rúmar 11 milljónir milli ára.

• Blogga um frétt