Vandræðaástand á fjölsóttum stöðum

Áætlanir varðandi fjölda ferðamanna virðast vera að ganga eftir og það er áframhaldandi vöxtur í greininni. Framboð virðist aukast nokkuð jafnt miðað við fjölgun ferðamanna sem leiðir til þess að árið er svipað og í fyrra hjá rekstraraðilum í ferðaþjónustunni. Þetta segir Erna Hauksdóttir, framkvæmdastjóri Samtaka ferðaþjónustunnar, í þættinum Viðskipti með Sigurði Má. Hún tekur þó fram að það sé oft vandræðaástand á fjölsóttum ferðamannastöðum og uppbygging innviða sé ekki í samræmi við fjölgunina.

Erna segir að fjölga þurfi bílastæðum, girða svæði af og laga göngustíga. Þá sé mikilvægt að vegir séu í lagi svo hægt sé með góðu móti að hafa staði opna allan ársins hring. 

• Blogga um frétt