Viðskipti | mbl | 10.8.2013 | 11:21 | Uppfært 12:44

Ofurhetjur og eurovision í Borgartúni

Mynd 1 af 8 Ofurhetjurnar hafa tekið yfir efstu hæðina í Nýherjahúsinu. mbl.is/Kristinn Ingvarsson

Mynd 2 af 8 Örlygur Smári, Eurovisionfari, heldur uppi stuðinu á söludeildinni hjá Nýherja. Kristinn Ingvarsson

Mynd 3 af 8 Komið inn á ofurhetjuhæðina hjá TM Software. Kristinn Ingvarsson

Mynd 4 af 8 Hjá TM Software taka starfsmenn ofurhetjuþemað nokkuð alvarlega. KristinnIngvarsson

Mynd 5 af 8 Appliconmenn voru ákafari en aðrir í fótboltaspilinu, enda sést vel að það hefur verið notað langmest. KristinnIngvarsson

Mynd 6 af 8 Í versluninni er meðal annars hægt að horfa á þrívíðarmyndir og skoða allt það nýjasta í ljósmyndun og tölvumálum. KristinnIngvarsson

Mynd 7 af 8 Í fyrirtæki sem starfar í nokkrum löndum er nauðsynlegt að vita tímann í nokkrum heimshornum. KristinnIngvarsson

Mynd 8 af 8 Starfsmenn fyrirtækisins hafa aðgang að demoherberginu þar sem þeir geta prófað nýjan vélbúnað óháð því að skemma eitthvað sem máli skiptir. KristinnIngvarsson

Hjá Nýherjasamsteypunni vinna um 400 manns hér á landi, en Nýherji auk dótturfélaganna TM Software og Applicon er til húsa í Borgartúni. Þar ganga ofurhetjur um ganga meðan aðrir starfsmenn keppa hatrammlega í fótboltaspili og eurovisionkempa tekur lagið fyrir samstarfsfélaga. Mbl.is kíkti í heimsókn og fékk að skoða aðstöðuna og hvað það er sem starfsmenn gera milli vinnutarna.

Ofurhetjur á vappi á efstu hæðinni

Á efstu hæð Nýherjahússins mætti blaðamaður strax nokkrum ofurhetjum, en TM Software er þar með aðsetur. Fyrir um ári var ákveðið að koma á ofurhetjuþema á hæðinni og eru nú skreytingar með alls konar ofurhetjum um alla veggi. Þá voru einnig nokkrir starfsmenn á vappi í ofurhetjubúningum, enda sannkallaður ofurhetjuvinnustaður.

Hugmyndin að þessu þema kom upp í tengslum við svokallaða ofurhetjudaga, en árlega er einn dagur þar sem starfsmenn eiga að leggja almenna vinnu til hliðar og vinna að nýjum hugmyndum og verkefnum sem þeir telja spennandi.

Fótboltaspil og eurovision

Fótboltaspil eru sýnileg víða í fyrirtækinu, en hvergi var keppnin jafnmikil og hjá Applicon þar sem keppt var á heimasmíðuðu borði sem menn fullyrtu að byggi yfir mikilli sögu og sál.

Þegar komið var inn á hæðina hjá Nýherja tók gítarspil á móti blaðamanni, en í söludeildinni er Örlygur Smári eurovisionkempa og tekur víst oft upp á því að spila fyrir vinnufélagana.

Ljósmynda- og golfhópur

Nýherji og dótturfélögin eru öll tæknifyrirtæki og því er við hæfi að hafa smáleikvöll með tölvukennslutækjum í kjallaranum, en herbergið kalla starfsmenn demóherbergi. Þar er fyrirtækið með sérvélasamstæðu sem er ótengd umheiminum og geta starfsmenn prufað kerfi og vélar þar án þess að eiga á hættu að setja allt á aðra hliðina sem skiptir máli, enda mikilvægt fyrir fyrirtæki sem Nýherja að geta prufað og lært á vélar og kerfi og jafnvel reynt þolmörk þeirra án þess að eiga á hættu að hafa áhrif á önnur kerfi.

Auk skemmtilegs anda á vinnustaðnum er töluvert lagt upp úr skipulögðu starfi og viðburðum utan hefðbundins vinnutíma. Þannig eru fjórir hópar starfandi innan fyrirtækisins; golf-, ljósmynda-, líkamsræktar- og útivistarklúbbar. Þá styrkir fyrirtækið starfsmenn til líkamsræktar, þátttöku í Reykjavíkurmaraþoni og með samgöngustyrkjum.