Viðskipti | mbl | 12.8.2013 | 10:15 | Uppfært 11:34

Veruleikinn á bakvið sýndarveruleikann

Mynd 1 af 18 Skreytingar sem tengjast leiknum og fyrirtækinu eru um allt húsnæðið. Þetta spjald var t.d. hannað eftir að skrifstofa fyrirtækisins í Kína var opnuð. KristinnIngvarsson

Mynd 2 af 18 Algengt er að sjá skreytingar og dót á borðum starfsmanna. KristinnIngvarsson

Mynd 3 af 18 Ekki var óalgengt að sjá börn starfsmanna á vappi á skrifstofunni eða í mötuneytinu. KristinnIngvarsson

Mynd 4 af 18 Fundarherbergin bera öll nöfn viðbóta sem gefnar hafa verið út við EVE. KristinnIngvarsson

Mynd 5 af 18 Allar skrifstofur eru með glerveggjum, enda er markmið að allir starfsmenn séu velkomnir allsstaðar. KristinnIngvarsson

Mynd 6 af 18 Í leikherberginu er meðal annars ballskákborð, þythokký og stærsta heitsjávarfiskabúr landsins. Þá eru nokkrir spilakassar fyrir þá leikjaþyrstu. KristinnIngvarsson

Mynd 7 af 18 Starfsmenn og börn þeirra skemmtu sér í hádegishléinu í þythokký. KristinnIngvarsson

Mynd 8 af 18 KristinnIngvarsson

Mynd 9 af 18 Þrátt fyrir mikla afþreyingu á vinnustaðnum, þá eru einnig mörg verkefni sem þarf að gera. KristinnIngvarsson

Mynd 10 af 18 Nokkrir starfsmenn spiluðu tölvuleiki meðan blaðamaður gekk um. Slíkt er þó ekki óeðlilegt, því hönnuðir tölvuleikja þurfa jú að vera með puttann á púlsinum í því sem er að gerast í tölvuleikjaheiminum. KristinnIngvarsson

Mynd 11 af 18 KristinnIngvarsson

Mynd 12 af 18 Loftþrýstingsbyssur eru á nokkrum stöðum á skrifstofunni, en það er víst vinsælt hjá starfsmönnum að herja á samstarfsfélagana við og við. KristinnIngvarsson

Mynd 13 af 18 Helstirnið gert úr Legokubbum. KristinnIngvarsson

Mynd 14 af 18 KristinnIngvarsson

Mynd 15 af 18 Gerð var árás á bæði blaðamann og yfirviðburðastjóra CCP, sem þurftu að flýta sér í burtu. KristinnIngvarsson

Mynd 16 af 18 Einn af hönnuðum CCP. KristinnIngvarsson

Mynd 17 af 18 KristinnIngvarsson

Mynd 18 af 18 Eldar Ástþórsson, upplýsingafulltrúi CCP, sýnir hér bréf sem kom frá spilara sem búsettur er í Líbýu og sendi fyrirtækinu bréf í kringum byltinguna. KristinnIngvarsson

Þegar gengið er um höfuðstöðvar CCP hugsaði blaðamaður að svona hefði hann sjálfur séð hinn fullkomna vinnustað fyrir sér í kringum sjö ára aldurinn. Fyrir utan að búa yfir fullkomnum tölvubúnaði, sem er mjög mikilvægur fyrir fyrirtæki eins og CCP, þá eru leikföng út um allt, hvert teymi hefur töff nafn, það má finna spilakassa í leikherberginu, gosdrykkir eru um allt hús og eðlilegt þykir ef starfsmenn grípa í tölvuleiki milli vinnutarna. Þá eru alvöru sverð upp á veggjum og fyrirtækið er mjög duglegt að skipuleggja skemmtanir fyrir bæði starfsfólk og viðskiptavini.

„Vinna vel og leika sér“

Þrátt fyrir að lýsingin á höfuðstöðvunum hljómi nánast eins og lýsing á leikvelli eða skemmtistað, þá segir Eldar Ástþórsson, upplýsingafulltrúi fyrirtækisins, að miklar kröfur séu gerðar til starfsfólks. Það sé þó talið eðlilegt að gera vel við starfsmenn fyrir vel unnin störfog bjóða upp á góða starfsaðstöðu. Segir hann að lýsa megi þessu með orðunum „vinna vel og leika sér“ (e. work hard, play hard).

Fjölskylduvænn staður

Vinnustaðurinn er þó einnig rómaður fyrir að vera mjög fjölskylduvænn og þegar blaðamaður kíkti við í heimsókn voru nokkrir tugir barna á staðnum, en fjölmörg tækifæri eru fyrir þau til að skemmta og leika sér þar.

Þá býður fyrirtækið starfsmönnum upp morgun-, og hádegismat gegn vægu gjaldi. Eldar segir einnig að margir nýti sér að boðið er upp á kvöldverð tvisvar í viku, þar sem börn og makar eru velkomnir, til að sleppa við að elda heima hjá sér.

Losna við íslenskt dægurþras

Í höfuðstöðvunum hér á landi eru um 40% starfsmanna erlendir, en Eldar segir það mjög jákvætt. Þannig mæti fólk til vinnu á morgnana þar sem það starfar með fólki með fjölbreyttan bakgrunn og talar ensku allan daginn, enda sé enska opinbert mál fyrirtækisins á öllum skrifstofum þess. Einn fylgifiskur þess er að fólk dettur svolítið út úr dægurþrasi íslensks samfélags og það sé svo ekki fyrr en þegar kveikt sé á kvöldfréttunum að menn ranki aftur við sér í íslenskum raunveruleika, sem stundum getur verið ágætt.

Á meðfylgjandi myndum má sjá margt af því sem skipar CCP í röð með áhugaverðari vinnustöðum landsins, en þar er meðal annars stærsta heita sjávarfiskabúr landsins og vinnuaðstöðu fólks sem sér um að skapa sýndarveruleika fyrir spilara allsstaðar um heiminn.