Rafmagnsbílar verði helmingur bílaflotans

Erna Gísladóttir, forstjóri BL, segist vera sannfærð um að nú sé Nissan búin að leysa flest vandamál er tengjast rafmagnsbílum. Í samtali við Sigurð Má Jónsson ræðir Erna um söluvæntingar varðandi Nissan Leaf sem kynntur var hér á landi um síðustu helgi. Erna segir að kaupendur rafmagnsbíla verði að aðlaga sig að ákveðnum hugsunarhætti og temja sér ný vinnubrögð þegar þeir kaupi slíkan bíl.

Erna segist vera sannfærð um að það sé þjóðhagslega hagkvæmt fyrir Íslendinga að nota rafmagnsbíla. Hún segir að á meðan hleðslustöðvar séu ekki fleiri en raun beri vitni sé bíllinn fyrst og fremst hagkvæmur fyrir þá sem búa á höfuðborgarsvæðinu. Stefnt er að því að efla innviði fyrir rafmagnsbíla þannig að hægt sé að þjóna alla landsmenn. Í Noregi eru rafmagnsbílar um 2% af heildarsölunni. Erna segist ánægð ef það hlutfall náist hér en það jafngildir sölu upp á 160 bíla. Hún segir að innleiðing rafmagnsbíla taki 10 til 15 ár. Að því loknu verði um helmingur seldra bíla rafmagnsbílar.

• Blogga um frétt