Heimsmarkaðsverð á olíu hefur lækkað í dag og gengi Bandaríkjadals hefur lækkað gagnvart evru og jeni en ekkert virðist þokast í samkomulagsátt á Bandaríkjaþingi varðandi fjárlagafrumvarp næsta árs.

Harry M. Reid, leiðtogi meirihluta demókrata í öldungadeild bandaríska þingsins, segist vongóður eftir viðræður við  leiðtoga repúblikana í gær. Þrátt fyrir að Reid væri vongóður náðist ekki samkomulag og því vofir enn yfir greiðslufall bandaríska ríkisins þegar skuldaþakinu verður náð eftir þrjá daga.

Í New York hefur verð á hráolíu lækkað um 29 sent í morgun og er 101,73 Bandaríkjadalir tunnan. Um er að ræða olíu til afhendingar í nóvember.

Í Lundúnum hefur verð á Brent Norðursjávarolíu lækkað um 17 sent og er 111,11 dalir tunnan.

Ef ekki tekst að ná samkomulagi fyrir þann 17. október óttast ýmsir að greiðsluþrot bandaríska ríkisins geti haft skelfilegar afleiðingar á alla heimsbyggðina í för með sér.

Gengi Bandaríkjadals lækkaði á gjaldeyrismörkuðum í Asíu í morgun, dalurinn er nú skráður á 98,27 jen og evran er rskráð á 1,3565 Bandaríkjadali.

Hlutabréfavísitölur lækkuðu víða í morgun. Í Sydney nam lækkunin 0,71%, Seúl 0,10% og Wellington 0,18%.

Kauphallirnar í Tókýó, Hong Kong og Jakarta voru lokaðar vegna almenns frídags.

Tengdar fréttir

Bandarísku fjárlögin

Skuldaþakið hækki fyrir lok febrúar

• Bandaríkjaþing samþykkir fjárlögin
• Pattstaðan um fjárlögin rofin
• Söfn opna á ný í Bandaríkjunum
• Tryggir efnahagslegan stöðugleika

» Fleiri tengdar fréttir

• Blogga um frétt