Milljón á fermetrann

Fyrirtækið Skuggi 3 ehf., sem hyggst reisa turnbyggingu á horni Skúlagötu og Frakkastígs, hefur þegar fengið bindandi tilboð í íbúðir í turninum. Þetta kemur fram í Reykjavík vikublaði sem kom út í dag.

Þar segir að í stofngögnum félagsins komi fram að fermetraverðið á íbúðum í turninum sé á bilinu 700 þúsund krónur og ein milljón króna.

Íbúðir í turnunum í Skuggahverfi eru almennt ekki minni en hundrað fermetrar að stærð.

Bygging turnsins hefur verið gagnrýnd, bæði af íbúum í nágrenninu, embættismönnum og fulltrúum Reykjavíkurborgar, þar sem hann muni skyggja á útsýni frá Skólavörðuholti og niður Frakkastíg, til fjalla og sjávar. Skipulagsfulltrúa var falið að „höfða til samvisku verktakans“, segir í frétt Reykjavíkur vikublaðs. Þær umleitanir hafa ekki borið árangur eftir því sem blaðið kemst næst.

Frétt mbl.is: Verstu skipulagsmistök í Reykjavík í áratugi

Frétt mbl.is: Nýbygging skyggir á sjónlínuna

Á myndinni til vinstri sést útsýnið frá Skólavörðuholti niður Frakkastíg að Sólfarinu eins og það er í dag. Hægra megin sést hvernig útsýnið, eða sjónlínan, yrði þegar framkvæmdum við háhýsið yrði lokið. mbl.is

• Blogga um frétt