Á sama tíma og Íslendingar flestir börmuðu sér yfir hverri leiðinda lægðinni sem gekk yfir landið í síðustu viku sá evrópski flugvélaframleiðandinn Airbus sér leik á borði. Var í hvelli ákveðið að fljúga einni af A350 XWB flugprófunarvélunum hingað til lands þar sem prófanir fóru fram í hliðarvindi.

Flugprófunarvélin MSN1 lenti í Keflavík fimmtudaginn 3. júlí en henni var flogið frá höfuðstöðvum Airbus í Toulouse í Frakklandi. Samdægurs hófust prófanir, bæði á flugtaki og lendingu á flugbrautum Keflavíkurflugvallar.

Ákvörðunin hefur greinilega verið tekin í miklum flýti innan Airbus því vanalega birtir fyrirtækið myndir á samfélagsmiðlum ellegar frétt á vefsvæði sínu. Engar slíkar hafa hins vegar verið birtar enn.

Á fréttavefnum Allt um flug er hins vegar birt mynd af A350 XWB MSN1 þar sem hún er í Keflavík.

Tengdar fréttir

Airbus

Ætla ekki að gefast upp á A380

• WOW air kaupir tvær flugvélar
• Ná vélinni ekki upp úr hafinu
• Nýr og stærri fljúgandi Mjaldur
• Sjálfskjótandi flugritar í þotur Airbus

» Fleiri tengdar fréttir

• Blogga um frétt