Bandaríski tölvurisinn Dell hefur ákveðið að taka við greiðslum í rafmyntinnibitcoin. Fylgir fyrirtækið, sem er eitt stærsta tæknifyrirtæki í heimi, þar með í fótspor stórfyrirtækja á borð við Overstock, DISH Network og Newegg. Talið er að Dell sé þó stærsta fyrirtækið sem taki nú við greiðslum í rafmyntinni.

Í tilkynningu á vef Dell segir að til að byrja með muni greiðslumátinn aðeins vera í boði fyrir viðskiptavini fyrirtækisins í Bandaríkjunum. Þar er jafnframt bent á að greiðslumátinn skapi ákveðinn sveigjanleika fyrir viðskiptavini og sé til þess fallinn að draga úr kostnaði sem hlýst af viðskiptum með til dæmis hefðbundin kreditkort.

Fréttaskýrendur telja að fregnirnir séu stórtíðindi í heimi rafmyntarinnar og muni auka hróður hennar umtalsvert. Gengi bitcoin hefur verið nokkuð sveiflukennt en ljóst þykir að rafmyntin hafi sannað gildi sitt.

Tengdar fréttir

Rafmynt

Hlýtur 11 þúsund ára fangelsisdóm

• Sektuð fyrir að greina ekki frá launuðum auglýsingum
• Tækifæri myndast á markaði
• Loka á eina stærstu rafmyntakauphöll heims
• Ímynd Musk notuð til þess að blekkja grunlausa

» Fleiri tengdar fréttir

• Blogga um frétt