Laugar ehf. hafa keypt 4,42 prósent hlut í DV ehf. en Laugar eru í eigu Björns Leifssonar oft kenndur við World Class. Þetta staðfestir Björn í samtali við Vísi.
Hluturinn er keyptur af Ólafi Magnússyni, fyrrverandi stjórnarmanni DV og Kú ehf., Catalínu ehf., Innrömmun Sigurjóns ehf. og Víkurós ehf. Þetta staðfesti Björn í samtali við fréttastofu Vísis.
„Ég vil bara hafa áhrif á það að hér á landi sé rekið gott dagblað,“ segir Björn.
„Ef ég get haft einhver áhrif á það að koma Reyni Traustasyni frá þá er það hið besta mál. Hann er stórhættulegur mannorðsmorðingi,“ segir Björn í viðtali við Vísi.