„Þessi vél skiptir sköpum. Áður var 747 titluð konungur háloftanna og um áraraðir, en nýr kongungur hefur tekið við völdum, A380,“ sagði bandaríski leikarinn John Travolta á D/FW alþjóðaflugvellinum í Dallas á mánudag. Þá lenti A380 ofurþota ástralska flugfélagsins á vellinum í fyrsta skipti.

Travolta má kalla sendiherra Qantas sem skýrir veru hans á D/FW flugvellinum. Þetta voru viss tímamót fyrir Qantas sem skipti út Boeing 747 farþegaþotu sinni fyrir Airbus A380 á flugleiðnni frá Sydney til Dallas. „Einna hagstæðast fyrir Qantas er að nú þarf ekki að millilenda,“ sagði Travolta. „Á 747 vélinni þurfti að koma við í Brisbane en A380 fer alla leið í einu.“

Og leiðin er löng, 13.805 kílómetrar á 15 klukkustundum með 484 farþega. Leiðin er sú lengsta sem flogin er með farþega og A380 stærsta farþegaþota heims.

Ódýrustu miðarnir eru á um 230 þúsund krónur en hægt er að fá miða á allt að 1,5 miljón króna. Og fæstir eru farþegarnir á leið til Dallas heldur er flugvöllurinn tengipunktur við flugvelli í Norður-Ameríku og Suður-Ameríku.

Qantas. AFP

Tengdar fréttir

Airbus

Ætla ekki að gefast upp á A380

• WOW air kaupir tvær flugvélar
• Ná vélinni ekki upp úr hafinu
• Nýr og stærri fljúgandi Mjaldur
• Sjálfskjótandi flugritar í þotur Airbus

» Fleiri tengdar fréttir

• Blogga um frétt