„Okkur fannst þetta létt og skemmtileg nálgun á annars alvarlegt málefni. Maður verður að reyna að brosa yfir þessu dæmi sem augljóslega gengur ekki upp,“ segir Hrefna Sif Ármannsdóttir, verslunarstjóri Nettó á Granda. 

Í versluninni hefur verið settur upp kælir með sérstökum „Bjarna Ben megrunarkúr“ þar sem tíndar voru til vörur sem falla undir þær forsendur sem gefnar voru í frumvarpi fjármálaráðuneyt­is­ins um breyt­ing­ar á lög­um um virðis­auka­skatt þar sem gengið er út frá því að máltíð fyrir einn í fjög­urra manna fjöl­skyldu kosti 248 krón­ur.

Ekki hægt annað en að brosa

„Við settum þarna skyr og banana og annað sem hugsanlega hefði eitthvað næringargildi og sögðum að þetta væri bara skemmtilegur megrunarkúr sem hann væri að skella okkur á. Við vorum með ýmislegt í pokahorninu þótt fjölbreytnin sé ef til vill ekki mikil,“ segir Hrefna kímin. „Maður verður að hafa smá léttleika yfir þessu þó svo að þetta sé ekki eitthvað til þess að brosa yfir.“

Kælirinn var settur upp í morgun og segir Hrefna að viðskiptavinir hafi haft gaman að. „Það er nú eiginlega ekki hægt annað en að hlæja að þessu því ég get ekki trúað því að fjölskylda fjármálaráðherra borði fyrir þessa upphæð,“ segir hún og bendir jafnframt á að hádegisverðurinn í þinginu kosti 550 krónur.

Frétt mbl.is: Þetta færðu fyrir 248 krónur

Tengdar fréttir

Matarútgjöld heimilanna

ASÍ tekur við Facebook-síðu Bryndísar

• Áhrif VSK-breytinga lítil sem engin
• Eyðir 135 þúsund í mat og drykk
• Vill Bryndísi ekki úr flokknum
• Bryndísi sárna ummæli Brynjars

» Fleiri tengdar fréttir

• 2 blogg um fréttina

Bloggað um fréttina

• Hjördís Vilhjálmsdóttir: ,,Geta þau ekki bara borðað kökur ?"
• Heimir Lárusson Fjeldsted: Nettó í politík