Eigendur Apple tölva geta ekki samþykkt leiðréttinguna með rafrænum skilríkjum í tölvunni þar sem stýrikerfið styður ekki notkun skilríkjanna. Skúli Eggert Þórðarson, ríkisskattstjóri, bendir þeim sem lenda í fyrrgreindum vandræðum á að fá sér rafræn skilríki í símann.

Unnið er að því að leysa vandamálið að sögn Hugrúnar Aspar Reynisdóttur, sérfræðings í upplýsingatæknimálum í fjármála- og efnahagsráðuneytinu. Hún bendir þeim sem ekki geta staðfest leiðréttinguna í tölvunni á aðra kosti; að fá sér rafræn skilríki í símann, samþykkja leiðréttinguna hjá Ríkisskattstjóra, samþykkja hana í viðeigandi bankaútibúi eða að fara á skrifstofu Auðkennis í Borgartúni og samþykkja hana þar.

23.927 samþykki

Nú þegar eru 23.927 manns búnir að samþykkja leiðréttinguna en opnað var fyr­ir samþykkt­ar­ferlið þann 23. desember sl. Skúli Eggert Þórðarson, ríkisskattstjóri, segir að samþykktin hafi að öðru leyti gengið vel en margir hafa einnig hringt í þjónustuverið og fengið leiðbeiningar.

Frestur til að samþykkja leiðréttinguna gildir fram til 23. mars 2015.

Einhverjir hnökrar voru einnig á samþykktarferlinu þegar fyrst var opnað fyrir það en brugðist var skjótt og við og mann­skap­ur kallaður út til þess koma mál­um í lag. Vél sem stjórnaði álag­inu á milli netþjóna hafði þá ekki unnið rétt að sögn Skúla Eggerts.

Tengdar fréttir

Skuldaleiðréttingar ríkisstjórnarinnar

Leiðréttingin heppnaðist „frábærlega“

• Er forsætisráðherra sáttur við frammistöðuna?
• Skýrslan var tilbúin fyrir kosningar
• Tekjuhæstu 10% fengu 22 milljarða
• Leiðréttingin greidd að fullu

» Fleiri tengdar fréttir

Seðlabankinn

Tvennt skekkir samanburðinn

• Vextir lækki í fyrsta lagi um mitt árið
• Mælir gegn frekari stýrivaxtahækkun
• Ásgeir Jónsson: Var ekki að vísa í tveggja manna tal
• Ríkissáttasemjari hringdi ítrekað í seðlabankastjóra

» Fleiri tengdar fréttir

• 1 blogg um fréttina

Bloggað um fréttina

• Heimir Lárusson Fjeldsted: Hallærislegt