Íhugar að sparka Grikkjum úr evrusamstarfi
Setja bókamerki
Angela Merkal, kanslari Þýskalands, er í Der Spiegel sögð skoða þann möguleika að ýta Grikklandi út úr evrusamstarfinu kjósi Grikkir yfir sig ríkisstjórn sem er ekki tilbúin að standa við niðurskurðaráætlanir landsins.
Skýrslan sem vikuritið vitnar í er sögð koma frá innsta koppi í búri í þýsku ríkisstjórninni. Hún kemur í kjölfar skoðanakönnunar sem bendir til að vinstriflokkar í Grikklandi muni fara með sigur í kosningunum þar í landi.
Syriza-flokkurinn, undir stjórn Alexis Tsipras, hefur lofað því að vinda ofan af þeim efnahagsumbótum sem alþjóðlegir lánveitendur kröfðust af ríkisstjórn landsins sem forsendu fyrir lánveitingu til landsins.
„Þýska ríkisstjórnin lítur svo á að útganga Grikkja sé næsta óumflýjanleg ef Alexis Tsiparis fer fyrir ríkisstjórn landsins eftir kosningarnar og víkur frá þeirri niðurskurðarstefnu sem landinu hefur verið mörkuð og greiðir ekki af skuldum landsins,“
Bæði Merkel og þýski fjármálaráðherrann Wolfgang Schaeuble hafa rætt möguleikann á að Grikkir þurfi að gefa evruna upp á bátinn, en þó ekki með eins „dramatískum“ hætti.
Spara stórfé með olíukaupum ytra
Sparnaður heimila vex meira en áður var talið
Þórarinn: Tafir á höfuðborgarsvæðinu ekki minni
Átti ekki að láta pirring bitna á sjúklingi
Skiptir mestu máli að fjárlögin voru samþykkt
Búseta skortir byggingarlóðir
Sáu eldgosið brjótast út frá Snæfellsnesi