Krónan í stað þriggja Nóatúnsbúða

Á næstu mánuðum mun Krónan opna þrjár nýjar verslanir þar sem nú eru Nóatúnsverslanir. Verslanirnar í Grafarholti, Hamraborg og Nóatúni munu breytast úr Nóatúni í Krónuna.

Með þessum breytingum verða verslanir Krónunnar sextán talsins og bjóða sama verðið á öllum stöðum, segir í fréttatilkynningu.

Nóatún Austurveri mun halda áfram að bera merki Nóatúns og leggja áherslu á kjötborð, ferskvöru, heitan mat og veisluþjónustu auk breiðs vöruúrvals. 

• Blogga um frétt