VÍS gefur frí á kvennadaginn
Setja bókamerki
Tryggingafélagið VÍS mun gefa öllu starfsfólki sínu frí eftir hádegi 19. júní næstkomandi til að fagna aldarafmæli kosningaréttar íslenskra kvenna. Hvetur félagið starfsfólk til að taka þátt í hátíðarhöldum dagsins, en lokað verður á öllum skrifstofum félagsins eftir hádegi þennan dag. Sigrún Ragna Ólafsdóttir, forstjóri VÍS segir að félagið verði með þessu við hvatningu ráðamanna um að gera starfsfólki kleift að mæta á hátíðarhöldin.
Í frétt á heimasíðu félagsins segir að um árabil hafi verið unnið eftir virkri jafnréttisáætlun hjá VÍS og skipa konur veigamikinn sess við stjórn fyrirtækisins. VÍS er eina skráða félagið í Kauphöll Íslands sem stýrt er af konu, stjórnarformaður VÍS er einnig kona og meirihluti stjórnarinnar skipaður konum. Í framkvæmdastjórn félagsins eru þrjár konur af sjö og rúm 40% deildarstjóra eru konur. Hjá fyrirtækinu starfa 90 konur og 108 karlar.
„Okkur er sönn ánægja að verða við þessar hvatningu ráðamanna og gera starfsfólki VÍS kleift að taka þátt í hátíðarhöldum vegna þessa mikilvæga áfanga í jafnréttisbaráttunni. Við leggjum ríka áherslu á jafnan hlut kynja í allri okkar starfsemi og það er full ástæða til að minnast þessara merkis-tímamóta með áberandi hætti,“ segir Sigrún.
Víkingar komnir yfir 800 milljónir í greiðslur
Lát hjóna í Neskaupstað: Ákæra gefin út
Ók á hóp fólks á jólamarkaði: Einn látinn
Stormur á Þorláksmessu en víðast hvar stefnir í hvít jól
„Mér finnst gamla Samfylkingin komin aftur“
Ný ríkisstjórn kynnt á morgun
Bjarni: „Útilokað að þetta geti gengið upp“
Var engin kristnitaka árið 1000?
