Úrskurðarnefnd neytendamála hefur staðfest ákvörðun Neytendastofu vegna kvörtunar Isavia ohf. á notkun Húsbílaleigunnar ehf. á heitinu „Keflavík Airport Car Rental“ og léninu keflavikairportcarrental.is. Með ákvörðun Neytendastofu nr. 37/2014 var ekki talið tilefni til aðgerða vegna kvörtunarinnar.

Isavia kærði ákvörðun Neytendastofu í framhaldinu til áfrýjunarnefndar neytendamála. Í frétt á vef Neytendastofu segir að áfrýjunarnefndin hafi lagt til grundvallar að þrátt fyrir að nafn flugvallarins kæmi fyrir í auðkenni Húsbílaleigunnar væru auðkenni Isavia í heild sinni ólíkt auðkenni Húsbílaleigunnar.

Fyrirtækin byðu ekki þjónustu á sama markaði og væru því ekki keppinautar. Ekki lægi annað fyrir sem rennt gæti stoðum undir að notkunin kynni að valda ruglingshættu eða slíkur ruglingur hafi yfir höfuð átt sér stað. 

Úrskurðinn má lesa í heild sinni

<a href="http://www.neytendastofa.is/library/Files/Neytendarettarsvid/urskurdir/%C3%9Arskur%C3%B0ur2014-18.pdf">hér.</a>