Tekjublaðið kemur út á laugardag

Tekjublað Frjálsrar verslunar kemur út eldsnemma á laugardagsmorgun og fer í dreifingu upp úr klukkan átta um morguninn. Blaðamenn tímaritsins þurfa að hafa hraðar hendur því álagningarskrár verða lagðar fram á föstudag. Blaðið verður þannig unnið yfir daginn og prentað aðfaranótt laugardags.

Í blaðinu eru birtar launatekjur valinna einstaklinga fyrir síðasta ár en fjármagnstekjur eru hins vegar ekki teknar með í reikninginn. Tekjurnar þurfa þá ekki að end­ur­spegla föst laun viðkom­andi þar sem munur­ get­ur fal­ist í laun­um fyr­ir setu í nefnd­um og önn­ur auka­störf og hlunn­indi vegna kauprétt­ar­samn­inga.

Tekjublaðið er gefið út af Frjálsri verslun sem er elsta viðskiptatímarit landsins og gefur út 11 blöð á ári en auk Tekjublaðsins má þar nefna bókina um 300 stærstu fyrirtækin og blaðið um mann ársins í viðskiptalífinu. Frjáls verslun hefur komið út frá 1939.

Líkt og að framan segir verða álagningarskrár lagðar fram á föstudag. Hægt verður að nálagst álagningarseðla einstaklinga á þjónustuvefnum skattur.is en þeir sem óskuðu eftir álagningarseðli á pappír fá hann sendan í pósti eftir föstudag. 

Álagningarskrá mun liggja frammi á starfsstöðvum ríkisskattstjóra dagana 24. júlí til 7. ágúst. Kærufrestur vegna álagningar 2015 er til 24. ágúst.

• 1 blogg um fréttina

Bloggað um fréttina

• Kristin stjórnmálasamtök: Mammons-prestar?