Subway sakar Buffet um að herma eftir

Samlokustaðurinn Subway sakar fjárfestinn Warren Buffet um að stæla samlokurnar sínar á nýjum matseðli Dairy Queen. 

Dairy Queen er í eigu félagsins Berkshire Hathaway, sem er í eigu Buffet, sem hefur áður lýst yfir áhuga á að kaupa Subway. Á síðasta ári heimsótti hann höfuðstöðvar fyrirtækisins í  Connecticut og fékk að skoða framleiðsluferlið.

Þrátt fyrir að Buffet fari oft í heimsóknir sem þessar segir starfsmaður Subway að tímasetningin sé undarleg þar sem Dairy Quenn kynnti samlokurnar sínar skömmu sínar. Þá bendir hann einnig á að þeir sem reki útibú Dairy Queen megi velja á milli tveggja bökunarofna á staðinn en annan þeirra notar Subway einnig.

Á matseðli Dairy Queen eru þá meðal annars þrjár samlokur með sama innihaldi og sams konar samlokur á Subway. Þetta eru þó nokkuð algengar samsetningar en um er að ræða eina samloku með kjúklingi og beikon, aðra með kjúklingi og mozarella osti og þá þriðju með kalkúni og beikon.

Talsmenn Dairy Queen neita þessum ásökunum og benda t.d. á að ofnarnir séu vinsælir og að fjölmörg kaffi- og veitingahús noti þá.

Subway samloka með kjúkling og beikon.

• Blogga um frétt