Allergan PLC, móðurfélag Allergan á Íslandi, sem áður hét Actavis, tapaði 243 milljónum dollara, eða sem jafngildir um 32 milljörðum íslenskra króna, á öðrum ársfjórðungi. Á sama tímabili í fyrra hagnaðist félagið um 48,7 milljónir dollara, sem jafngildir um 6,5 milljörðum króna.

Tapið kemur til vegna kostnaðar við yfirtöku sem fyrirtækið hefur tekið þátt í og annars kostnaður sem aðeins er einu sinni færður til bókar. 

Þetta er fyrsta ársfjórðungsuppgjörið síðan Actavis lauk 66 milljarða dollara yfirtöku á bótoxframleiðandanum Allergan í mars sl. en saman mynda þau í dag eitt af tíu stærstu lyfjafyrirtækjum heims. Í júní tók Actavis upp Allergan nafnið.

Ef ekki er litið til einskiptiskostnaðar jókst hagnaður á hlut um 29 prósent. Þá tvöfölduðust tekjurnar milli ára og námu um 5,71 milljarði dollara.

Í frétt Nasdaq er vísað til þess að fyrirtækið hafi staðið að fjölda samninga á síðustu mánuðum og m.a. selt samheitalyfjahluta Allergan til ísraelska lyfjafyrirtækisins Teva. Talið er að salan muni hafa jákvæð áhrif á reksturinn; draga úr skuldum og gera fyrirtækinu kleift að einblína á vörumerki sem skila meiri hagnaði.

Þá er einnig nefnt að Allergan sé nálægt því að ljúka yfirtöku á Kythera Biopharmaceuticals, sem er þekkt fyrir að framleiða lyf gegn undirhöku, en kaupverðið er um 1,2 milljarður dollara

Tengdar fréttir

Actavis

Auka hlutafé um tvo milljarða

• Coripharma semur við Midas Pharma
• Oxycodone framleiðsla Actavis í dómsmáli
• AbbVie kaupir bótoxframleiðanda
• Kaupir eignir af Actavis á Íslandi

» Fleiri tengdar fréttir

• Blogga um frétt