Pizza 67 auglýst til sölu á Bland

Pítsastaðurinn Pizza 67 hefur verið auglýstur til sölu á söluvefnum Bland.is. Anton Traustason, einn eigenda staðarins, setti auglýsinguna inn á vefinn.

Auglýsingin var birt í gærkvöldi og er verðmiðinn tíu milljónir króna en skipti koma til greina. Þar segir að um sé að ræða lítinn en þekktan pítsastað á góðum stað í Reykjavík. Þá segir að staðurinn sé með öllum tækjum og tólum sem þarf. 

Pizza 67 á Grensásvegi og í Grafarvogi eru í eigu félagsins P 67 ehf. en eigendur félagsins eru Anton, Ólafur Már Tryggvason og Kristján Þór Jónsson. Félagið hefur ekki skilað inn ársreikningi.

Anton sagði á dögunum í samtali við mbl að opn­un veit­ingastaðarins á Grens­ás­vegi hafi verið mun dýr­ari aðgerð en gert var ráð fyr­ir. Hef­ur fé­lagið P67 ehf. því ekki getað gert upp laun við alla starfs­menn. 

Frétt mbl.is: Fær ekki launin frá Pizza 67

Húsnæði Pizza 67 á Grensásvegi hefur einnig verið auglýst til sölu. 

Pizza 67 var opnaður í Langarima í desember á síðasta ári og staðurinn á Grensásvegi var opnaður í sumar.

Pizza 67 staður er einnig á Smiðju­vegi í Kópa­vogi en sá er ekki rekinn af sama hópi.

Ekki náðist í Anton við vinnslu fréttarinnar.

• Blogga um frétt