Aftökur Sádí-Araba á 47 mótmælendum, þar af sjítaklerknum Nimr al-Nimrs, á nýársdag og versnandi samband margra múslimaríkja við Sádí-Arabíu í kjölfarið hefur nú leitt til þess að heimsmarkaðsverð á olíu hefur hækkað lítillega í dag.

Hefur verð á olíu í Bandaríkjunum hækkað um 30 sent og á Norðursjávarolíu um tæplega 60 sent. Verðið er þó enn vel undir 38 dölum og álíta sérfræðingar að mikil umframframboð muni ekki verða til þess að verð hækki mikið meira.

Íran­ar höfðu beðið al-Nimr griða og sendi rík­is­stjórn Írans frá sér harðorða yf­ir­lýs­ingu þar sem seg­ir að Sádi-Ar­ab­ar muni þurfa að gjalda af­tök­una dýru verði. Í yf­ir­lýs­ing­unni seg­ir m.a. að Sádi-Ar­ab­ar styðji hryðju­verka­sam­tök og öfga­menn, en tak­ist á við þau vanda­mál sem upp komi í land­inu með kúg­un og af­tök­um. Eftir að tilkynnt var um mótmælin komu mótmælendur saman í mörgum löndum til að gagnrýna framgöngu Sádí-Arabíu.

Í framhaldinu ákvað Sádi-Ar­abía að slíta diplóma­tísk­um tengsl­um lands­ins við Íran. Um þetta til­kynnti ut­an­rík­is­ráðherra Sádi-Ar­ab­íu, Adel al-Ju­beir, í gær. Sagði hann að all­ir er­ind­rek­ar Írans þyrftu að vera farn­ir frá Sádi-Ar­ab­íu inn­an tveggja sól­ar­hringa.

Íran og Sádí-Arabía eru bæði stórir framleiðendur olíu og hefur spenna í samskiptum ríkjanna áhrif á olíumarkaðinn. Greinendur virðast þó ekki telja þetta hafa mikil áhrif til langs tíma, heldur muni mikil umframframleiðsla áfram ýta verðinu niður.

Tengdar fréttir

Aftökur í Sádi-Arabíu

Tekinn af lífi fyrir dópsmygl

• Khamenei fordæmir árás á sendiráð
• Íranar fá ekki að fara til Mekka
• Ekki hægt að útiloka átök
• Sprengjutilræði í moskum súnní-múslíma

» Fleiri tengdar fréttir

• Blogga um frétt