Handbært fé frá rekstri ríkissjóðs fyrstu ellefu mánuði síðasta árs var neikvætt um 17,9 milljarða króna samanborið við jákvætt handbært fé upp á 38,6 milljarða 2014. Þessi viðsnúningur milli ára skýrist að stórum hluta með því að leiðrétting verðtryggðra húsnæðislána sem gjaldfærð var í lok ársins 2014 kom til greiðslu nú í byrjun árs 2015.

Þetta kemur fram í greiðsluuppgjöri ríkissjóðs fyrir janúar – nóvember 2015, sem liggur nú fyrir. En uppgjörið gefur upplýsingar um afkomu ríkissjóðs á grundvelli innheimtra tekna og greiddra gjalda.

Tekjujöfnuðurinn var lítillega neikvæður en staðan er betri en gert hafði verið ráð fyrir, að því er segir í tilkynningu fjármálaráðuneytisins.

Innheimtar tekjur jukust um 9,4 milljarða milli ára en móti jukust greidd gjöld um 45,8 milljarða.

Tengdar fréttir

Skuldaleiðréttingar ríkisstjórnarinnar

Leiðréttingin heppnaðist „frábærlega“

• Er forsætisráðherra sáttur við frammistöðuna?
• Skýrslan var tilbúin fyrir kosningar
• Tekjuhæstu 10% fengu 22 milljarða
• Leiðréttingin greidd að fullu

» Fleiri tengdar fréttir

• 1 blogg um fréttina

Bloggað um fréttina

• sleggjuhvellur: Ríkissjórnin fær skömm í hattinn!