Sögulegur dagur fyrir Barbie

Leikfangaframleiðandinn Mattel tilkynnti það í dag að á þessu ári yrðu gefnar út þrjár nýjar útgáfur af Barbie, allar með mismunandi líkamsvöxt.

Ein útgáfan verður hávaxin, (e. tall), önnur smágerð (e. petite) og sú þriðja ávöl (e. curvy). Þá verður einnig bætt við fjölda húðlita, augnlita og hárgreiðslna sem aðdáendur Barbie geta valið um.

Með nýju týpunum sagðist Mattel vera að bjóða „stúlkum upp á valmöguleika sem endurspegla frekar þann heim sem þær sjá í dag.“

Líkamsvöxtur Barbie hefur lengi verið gagnrýndur og hefur hann þótt ýta undir óeðlilega líkamsímynd ungra stúlkna. Hefur verið bent á að ef Barbie væri lifandi kona, gæti hún t.d. aldrei gengið með barn og ekki staðið upprétt vegna ójafnvægis í vextinum. Nýju dúkkunum hefur verið fagnað á samfélagsmiðlum í dag.

Curvy, Tall and Petite dolls now stand proudly next to our Original body. https://t.co/JDeqzI59nX #TheDollEvolves pic.twitter.com/ANKzWe2YBZ

— Barbie (@Barbie) January 28, 2016

• Blogga um frétt