Arion kaupir 36 milljóna hlut í Símanum
Síminn.
Setja bókamerki
Arion banki keypti í gær rúmlega 36 milljóna króna hlut í Símanum og á nú 11,53 prósent í félaginu.
Í tilkynningu til Kauphallarinnar kemur fram að veltubók Arion banka hafi samtals keypt 10.110.937 hluti í Símanum og að veltubókin sé eftir viðskiptin komin yfir fimm prósent atkvæðisréttar í félaginu. Markaðsgengi félagsins er 3,59 krónur á hlut.
Við reikning atkvæðisréttar bankans eru einnig taldir eignarhlutir á safnreikningi Arion auk atkvæðisréttar Lífeyrisauka.
Arion banki er þar með orðinn næststærsti hluthafi Símans. Lífeyrissjóður verslunarmanna er stærsti hluthafinn með 14,27 prósent hlut.
Á eftir Arion banka er Gildi lífeyrissjóður með 9,22 prósent hlut.
Dýrmætt sakleysi sem kostaði Bryndísi Klöru lífið
Ísland verði ekki að „fyrirheitnu landi hælisleitenda“
Hinn almenni Íslendingur tengi ekki við flokkinn í dag
Bæjarstjórinn ósammála ritara Sjálfstæðisflokksins
Hyggst leiða ríkisstjórnina til enda
Sex gíslar fundust látnir í Rafah
