Apple hefur átt í deilum við Bandarísku alríkislögregluna FBI. Fyrirtækið vill ekki veita yfirvöldum aðgang að síma mannsins er stóð á bak við skotárásina í San Bernandino í Kaliforníu. Apple segir málið ekki snúast um ósamvinnuþýðni heldur einkalífsvernd viðskiptavina.

Frá því í sept­em­ber 2014 hafa upp­lýs­ing­ar á flest­um Apple-tækj­um, þar á meðal texta­skila­boð og ljós­mynd­ir, verið dul­kóðaðar þannig að óviðkom­andi geti ekki náð í þær. Aðeins er hægt að nota lyk­il­orð til að ná í upp­lýs­ing­arn­ar. Ef tíu mis­heppnaðar til­raun­ir eru gerðar mun tækið sjálf­krafa eyða öll­um upp­lýs­ing­un­um.

Jafn­vel starfs­fólk Apple get­ur ekki nálg­ast þess­ar upp­lýs­ing­ar. Fyr­ir­tækið ákvað þetta eft­ir upp­ljóstran­ir Edw­ards Snowd­en varðandi eft­ir­lit stjórn­valda

AFP

Banda­rísk­ur dóm­ari hefur úr­sk­urðað að Apple þurfi að veita FBI aðstoð með því að óvirkja aðgerðina á sím­an­um sem veld­ur því að upp­lýs­ing­arn­ar þurrk­ast út. Tim Cook, forstjóri Apple, hefur sent frá sér yfirlýsingu þar sem hann neitar því að opna nokkurs konar bakdyr að iPhone símanum fyrir stjórnvöld. Sagði hann mögulegar afleiðingar af gjörðum stjórnvalda vera hrollvekjandi (e. chilling).

Nú hafa forstjórar nokkurra annarra stórfyrirtækja stigið fram og tekið undir með Apple. 

Sundar Pichai, forstjóri Google, birti nokkrar færslur á Twitter þar sem hann sagði skilaboðin frá Tim Cook vera mikilbæg. Öryggi viðskiptavina væri stefnt í hættu með slíkum þvingunaraðgerðum stjórnvalda. Málið gæti reynst slæmt fordæmi.

Þá segir Mark Surman, forstjóri Mozilla, í samtali við Business Insider, að málið gæti reynst hættulegt fordæmi. Í stað þess að grafa undan örygginu sem fyrirtæki hafa skapað viðskiptavinum ættu stjórnvöld að efla það.

Reform Government Surveillance er samstarfsverkefni nokkurra stærstu tæknifyrirtækja heims. Þar á meðal eru AOL, Apple, Dropbox, Evernote, Facebook, Google, LinkedIn, Microsoft, Twitter og Yahoo. Í yfirlýsingu þeirra er tekið undir afstöðu Apple og ítrekað að tæknifyrirtæki ættu ekki að þurfa að smíða bakdyr að upplýsingaöryggi.

Syed Rizwan Farook notaði símann fyrir árásina sem hann framdi ásamt eiginkonu sinni Tashfeen Malik. Þau voru bæði skotin af lögreglu. AFP

Tengdar fréttir

Árás í Kaliforníu

Handtekin vegna hjónabandssvindls

• FBI skrefi á undan Apple
• Apple vill svör frá FBI
• Komust inn í síma árásarmannsins
• Þurfa ekki lengur aðstoð Apple

» Fleiri tengdar fréttir

• Blogga um frétt