Forsenda tillögu stjórnar Sjóvár um arðgreiðslu til hluthafa byggir á rekstrarniðurstöðu síðasta árs en ekki á breyttum reikningsskilum eða breytingu á tjónaskuld eins og haldið hefur verið fram í umræðunni.

Á vef Sjóvá segir að tillagan sé í fullu samræmi við núgildandi lög um vátryggingastarfsemi eins og Fjármálaeftirlitið hefur staðfest.

„Tillagan miðast við að fjárhagsstaða Sjóvár verði áfram jafn sterk eftir greiðslu arðs og hún var í ársbyrjun 2015. Góð afkoma af fjárfestingarstarfsemi Sjóvár í fyrra er grundvöllur fyrir tillögu um greiðslu arðs,” segir í fréttinni.

Loks kemur fram að á árunum 2009 til 2013 hafi hagnaði Sjóvár eingöngu verið varið í uppbyggingu og eflingu félagsins og ekki var þá greiddur út arður.

Tengdar fréttir

Arðgreiðslur tryggingafélaga

Samið við Sigrúnu um að hætta

• Á undan áætlun eftir arðgreiðslustorm
• Slakur tryggingarekstur á Íslandi
• Mótmæli skila lækkun iðgjalda
• Herða tök sín á VÍS

» Fleiri tengdar fréttir

• Blogga um frétt