Sjóvá lækkar arðgreiðslu
Setja bókamerki
Stjórn Sjóvár hefur ákveðið að leggja fram breytingartillögu um greiðslu arðs til hluthafa. Að hann verði lækkaður úr úr 3,1 milljarði króna í 657 milljónir króna fyrir árið 2015. Þetta kemur fram á vef félagsins. Hagnaður Sjóvár nam 657 milljónum króna á síðasta ári sem þýðir að allur hagnaður félagsins mun renna til hluthafa.
Breytingartillaga: Í samræmi við ákvörðun stjórnarfundar 10.03.2016, leggur stjórn félagsins til að greiddur verði arður sem nemur 657 m.kr. fyrir árið 2015.
Greinargerð stjórnar: Í ljósi viðbragða við fyrirliggjandi tillögu stjórnar um arðgreiðslu og yfirstandandi orðsporsáhættu hefur stjórnin ákveðið að endurskoða þá tillögu sína.
Fyrri tillaga stjórnar var byggð á yfirlýstri arðgreiðslustefnu félagsins og í samræmi við fjárhagslegan styrk þess. Miðaðist hún við að fjárhagsstaðan yrði áfram jafn sterk eftir greiðslu arðs og hún var í ársbyrjun 2015.
Forsenda fyrri tillögu um arðgreiðslu byggir á rekstrarniðurstöðu síðasta árs en ekki á breyttum reikningsskilum eða breytingu á tjónaskuld eins og misskilningur hefur verið um í umræðinni.
Rangfærslur um áhrif arðgreiðslu á fjárhagslegan styrk ógna orðspori Sjóvár. Það er skylda stjórnar að gæta að orðspori félagsins og í því ljósi er þessi tillaga sett fram.
Stjórn Sjóvár harmar þá tortryggni sem beinst hefur að félaginu undanfarna daga. Með þessari breytingartillögu vill stjórn bregðast við henni og mun samhliða beita sér fyrir bættri upplýsingagjöf í því skyni að stuðla að aukinni sátt.
Hér eru upplýsingar um stjórn Sjóvár
Skoða ráðstafanir vegna mikillar kuldaspár
Strandveiðar „efnahagsleg sóun“
Var að slitna frá bryggju sökum hvassviðris
Éljagangur en síðan slydda eða rigning
Í vinnunni á aðfangadagskvöldi í 25 ár
Segir umsókn að ESB vera óvirka
Ofmeta sparnað í stjórnarráðinu
Ekkert ferðaveður og vegalokanir á jóladag