Alls hefur 21 leigubílstjóri hjá Uber í Stokkhólmi og Gautaborg verið fundinn sekur um að akstur án heimildar. Þetta kemur fram í frétt Dagens Nyheter. Þar segir að Uber haldi því fram að starfsemi þeirra í Svíþjóð snúist um að deila bílum og þurfi því ekki á sérstöku leyfi að halda til leigubílaaksturs. En sænskir dómarar eru þar á öðru máli, samkvæmt frétt DN.

Einn bílstjóri sem var dæmdur nýverið segir í viðtali við blaðið að á meðanUber sleppi þá séu það bílstjórarnir sem taki skellinn. Lögreglan telur aðUber elti uppi bílstjóra sem eru nýkomnir til landsins og þekki ekki lög sem gilda varðandi leigubílaakstur og eru í vandræðum með að fá atvinnu.

AFP

Framkvæmdastjóri Uber í Svíþjóð, Alok Alström, harðneitar því og segir þessar ásakanir ekki á rökum reistar og séu óviðeigandi. Það sé mat Uber að fyrirtækið fari að lögum.

Fyrsti bílstjórinn var dæmdur í september í fyrra en það var ökumaður í Stokkhólmi sem var gert að greiða sekt upp á 2500 sænskar krónur. Flestir bílstjóranna hafa áfrýjað niðurstöðunni.

Frétt DN í heild

Tengdar fréttir

Uber

Uber vill bera kennsl á ölvaða

• Uber leyndi stuldi á gögnum viðskiptavina
• Reglur í endurskoðun og horft til Uber
• Mega banna starfsemi Uber
• Stjórnarformaður Uber segir upp

» Fleiri tengdar fréttir

• Blogga um frétt