Hlutabréf VÍS féllu í Kauphöllinni í dag eða um tæp ellefu prósent og var þetta langmesta lækkun dagsins. Aðalfundi félagsins var í gær frestað um þrjár vikur vegna skorts á körlum.

Ein­ung­is einn karl var í fram­boði til stjórnar félagsins eftir að tveir kynbræður þeirra drógu sín framboð til baka. Voru þá fjór­ar kon­ur í framboði og hefði stjórnin þar með ekki uppfyllt lagakröfur um kynjakvóta.

Breytt og lægri arðgreiðslutillaga var samþykkt á fundinum í gær og munu hluthafar fá rúma tvö milljarða króna. Upphaflega stóð til að greiða fimm milljarða króna. Arðleysisdagur VÍS er í dag og skýrir það lækkunina að mestu leyti.

Dagurinn var heilt yfir rauður í Kauphöllinni og lækkuðu bréf flestra félaga. Úrvalsvísitalan lækkaði um 0,68 prósent og almenna hlutabréfavísitalan OMXI8 lækkaði um 1,01 prósent. Næst mest lækkuðu bréf N1, eða um 5,49 prósent, en arðleysisdagur félagsins er einnig í dag.

Tengdar fréttir

Arðgreiðslur tryggingafélaga

Samið við Sigrúnu um að hætta

• Á undan áætlun eftir arðgreiðslustorm
• Slakur tryggingarekstur á Íslandi
• Mótmæli skila lækkun iðgjalda
• Herða tök sín á VÍS

» Fleiri tengdar fréttir

• Blogga um frétt