„Mér sýnist í þessu frumvarpi vera margt af því sem tengist þeirri gagnrýni sem við höfum verið með til umræðu á þinginu og fagna því að þetta sé komið fram,“ segir Katrín Jakobsdóttir, formaður Vinstri grænna, um frumvarp fjármálaráðherra gegn skattsvikum í lágskattaríkjum. 

Sjá frétt mbl.is: Frumvarp gegn skattsvikum í lágskattaríkjum

„Þarna inni eru heimildir til að endurákvarða skatt og fjallað er um upplýsingaskyldu ráðgjafa sem hafa verið að ráðleggja fólki að fara í þessi lágskattaríki,“ segir Katrín.

Hún segist eiga eftir að fara betur yfir frumvarpið en að þar sé að finna ýmsar mikilvægar breytingar. „Þarna eru heimildir fyrir innheimtumenn ríkissjóðs, ríkisskattstjóra, skattrannsóknarstjóra og tollstjóra, og takmörkun lögð við nýtingu rekstrartaps félaga í lágskattaríkjum. Þetta eru allt hlutir sem við höfum rætt. Við eigum eftir að fara betur yfir þetta og þetta er ekki enn komið í fyrstu umræðu á þinginu en þarna er ýmislegt sem þegar hefur verið til umræðu á þinginu.“

Sjá frétt mbl.is: Þessi eru í hópnum gegn skattsvikum

Tengdar fréttir

Skattaskjól

Aftur reynt að opna fyrir Uber og Lyft

• Cayman-eyjar ekki lengur á lista ESB yfir skattaskjól
• Airbus hættir með stærstu farþegaþotuna
• Plataðir með tvísköttunarsamningum
• Má bæði sekta og fangelsa fyrir skattsvik

» Fleiri tengdar fréttir

• Blogga um frétt