Í nýj­um starfs­hópi er á að vinna gegn skattaund­an­skot­um og nýt­ingu skatta­skjóla sitja meðal ann­ars rík­is­skatt­stjóri, skatt­rann­sókn­ar­stjóri og toll­stjóri.

Bjarni Bene­dikts­son, fjár­mála- og efna­hags­ráðherra, skipaði starfs­hóp­inn sem á að gera til­lög­ur að breyt­ing­um á lög­um, reglu­gerðum og verklags­regl­um sem sam­an munu mynda frek­ari aðgerðaáætl­un ís­lenskra stjórn­valda gegn skattaund­an­skot­um og nýt­ingu skatta­skjóla al­mennt. Má þar nefna BEPS-verk­efnið svo­kallaða (e. Base Erosi­on and Profit Shift­ing), regl­ur um þunna eig­in­fjár­mögn­un og tak­mörk­un á frá­drætti vegna arðs frá fé­lög­um í lág­skatta­ríki.

Greint var frá starfs­hópn­um í gær þegar frum­varp til laga um aðgerðir stjórn­valda til að sporna við skattsvik­um vegna eign­ar­halds í lág­skatta­ríkj­um var einnig lagt fram.

Í ný­legu sam­tali við mbl.is sagði Bjarni að frum­varpið fæli í sér breyt­ing­ar sem hann teldi rétt að ráðast í án frek­ari tafa. Hóp­ur­inn ætti hins veg­ar að horfa enn víðar yfir sviðið og skila af sér frek­ari ráðgjöf varðandi efnið. Hóp­ur­inn á að skila skýrslu um til­lög­ur fyr­ir lok júní.

Í hópn­um eru:

• Marí­anna Jón­as­dótt­ir, skrif­stofu­stjóri í fjár­mála- og efna­hags­ráðuneyti, formaður hóps­ins
• Ingi­björg Helga Helga­dótt­ir, lög­fræðing­ur í fjár­mála- og efna­hags­ráðuneyti
• Skúli Eggert Þórðar­son, rík­is­skatt­stjóri
• Guðrún Jenný Jóns­dótt­ir, lög­fræðing­ur hjá rík­is­skatt­stjóra
• Bryn­dís Kristjáns­dótt­ir, skatt­rann­sókn­ar­stjóri
• Sig­urður H. Ingimars­son, viðskipta­fræðing­ur hjá skatt­rann­sókn­ar­stjóra
• Snorri Ol­sen, toll­stjóri
• Jó­hanna Guðbrands­dótt­ir, lög­fræðing­ur hjá toll­stjóra
• Haf­dís Ólafs­dótt­ir, lög­fræðing­ur í for­sæt­is­ráðuneyti

Grunn­ur­inn að vinnu starfs­hóps­ins er til­lög­ur frá embætti rík­is­skatt­stjóra, skatt­rann­sókn­ar­stjóra og toll­stjóra sem svar við beiðni ráðuneyt­is­ins um mat á þörf fyr­ir frek­ari úrræði þeim til handa til að bregðast við þeim aðstæðum sem nú eru uppi.

Skúli Eggert Þórðar­son, rík­is­skatt­stjóri er í hópn­um. mbl.is/​Eggert Jó­hann­es­son

Tengd­ar frétt­ir

Skatta­skjól

Aft­ur reynt að opna fyr­ir Uber og Lyft

• Caym­an-eyj­ar ekki leng­ur á lista ESB yfir skatta­skjól
• Air­bus hætt­ir með stærstu farþegaþot­una
• Plataðir með tví­skött­un­ar­samn­ing­um
• Má bæði sekta og fang­elsa fyr­ir skattsvik

» Fleiri tengd­ar frétt­ir

Pana­maskjöl­in

Ramon Fon­seca lát­inn

• Fyrr­ver­andi for­set­ar Panama ákærðir
• Sýkna yfir Sjó­la­skips­systr­um stend­ur
• Mál Sjó­la­skipa­systkina send aft­ur í hérað
• Alþjóðleg hand­töku­skip­un gef­in út

» Fleiri tengd­ar frétt­ir

• Blogga um frétt