VW-forstjóri grunaður um markaðsmisnotkun

Saksóknari hefur staðfest að verið sé að rannsaka fyrrverandi forstjóra og stjórnarmann Volkswagen fyrir meinta markaðsmisnotkun í kjölfar útblástursmálsins.

Martin Winterkorn lét af störfum í september sl. eftir að upp komst að fyrirtækið hefur svindlað á útblástursprófunum árum saman. Á þeim tíma sagðist hann ekki vera meðvitaður um að hann hefði sjálfur gerst brotlegur í starfi með neinum hætti. Sagði hann ákvörðun um uppsögn tekna með hagsmuni fyrirtækisins að leiðarljósi.

Að sögn saksóknara í Braunschweig hefur embættið sannanir fyrir að Volkswagen hafi látið hjá líða að láta fjárfesta vita af mögulegu fjárhagslegu tjóni vegna málsins á tilsettum tíma.

Fyrirtækið sendi tilkynningu til fjárfesta 22. september sl.

Saksóknari hefur nefnt Winterkorn en stjórnarformaðurinn fyrrverandi sem einnig er til rannsóknar hefur ekki verið nefndur.

Frétt BBC.

• Blogga um frétt