Helstu hlutabréfavísitölur tóku stökk upp á við í morgun og sumar hverjar hafa ekki hækkað jafnmikið í þrjá mánuði. Útskýringin er að stuðningur við Brexit hefur dalað samkvæmt skoðanakönnunum og mælist nú 3% munur á þeim sem vilja halda Bretum innan ESB.

IFS-greining bendir á að við þessar fréttir hafi verð á japanska jeninu, gulli og bandarískum ríkisskuldabréfum lækkað en það eru alla jafna taldar öruggar, eða svokallaðar „safe haven“-eignir.

Pundið styrktist einnig skyndilega í morgun og náði sér aftur á strik eftir veikingu síðustu vikna. Eru fyrrnefndar skoðanakannanir að hafa áhrif þar á en kannanir síðustu vikna sem bentu til meiri stuðnings við Brexit höfðu einmitt öfug áhrif.

Frétt BBC.

Íslenska úrvalsvísitalan hefur hækkað um rúmt prósentustig það sem af er degi og er hækkunin mest hjá Icelandair Group og nemur um 1,4 prósentustigum.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt