Árni Harðarson, forstjóri Salt Investments, var með 47,7 milljónir króna í tekjur á mánuði á síðasta ári samkvæmt tekjublaði Frjálsrar verslunar sem kom út í morgun.

Í blaðinu er birtur listi yfir tekjur rúmlega 3.725 Íslendinga. Könnunin byggist á álögðu útsvari eins og það birtist í álagningarskrám. Frjáls verslun áréttar að í einhverjum tilvikum kann að vera að skattstjóri hafi áætlað tekjur.

Í öðru sæti lista blaðsins yfir tekjuhæstu forstjóra fyrirtækja er Valur Ragnarsson, forstjóri Medis, með rúmlega 24 milljónir á mánuði. Á eftir honum kemur Jakob Óskar Sigurðsson, fyrrverandi forstjóri Promens með rúmlega 18 milljónir.

Samkvæmt lista blaðsins var Stefán Logi Haraldsson, framkvæmdastjóri Límtrés-Vírnets með 16,4 milljónir í tekjur á mánuði að meðaltali á síðasta ári og Róbert Wessman, forstjóri Alvogen, með 12,4 milljónir króna.

Í úttekt blaðsins kemur fram að Tómas Már Sigurðsson, forstjóri hjá Alcoa í Bandaríkjunum, sé með tæplega 11 milljónir króna í tekjur á mánuði. 

Rannveig Rist, forstjóri Rio Tinto Alcan á Íslandi, er sögð vera með rúmlega 6 milljónir króna í mánaðarlaun og er hún tekjuhæst þeirra kvenna sem teknar eru fyrir á listanum yfir forstjóra í fyrirtækjum.

Í tekjublaði Frjálsrar verslunar er tekið fram að um útvarsskyldar tekjur á árinu 2015 sé að ræða og þurfa þær ekki að endurspegla föst laun viðkomandi. „Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Jafnframt hafa margir tekið út séreignarsparnað en hann telst með í útsvarsskyldum tekjum.“

Tengdar fréttir

Skattar á Íslandi

Búsettur erlendis en þarf að greiða skatta á Íslandi

• Frestur til að framlengja nýtingu að renna út
• Bunki af fyrirspurnum vegna vaxtabóta
• Harma birtingu álagningarskráa
• Læknar hækka mest milli ára

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Það er engin launung.