Pokémon stærri en Tinder
Setja bókamerki
Nýr Pokémon-leikur hefur farið sigurför um heiminn á liðnum dögum og er hann nú þegar orðinn vinsælli í Bandaríkjunum en stefnumótaappið Tinder. Um 5,16 prósent Android-símaeigenda eru með leikinn en um tvö prósent þeirra eru með Tinder.
Þá er leikurinn einnig á góðri leið með að verða vinsælli en Twitter en samkvæmt mælingum sem gerðar voru á föstudag notuðu um þrjú prósent Android-símaeigenda leikinn daglega en um 3,5 prósent Twitter.
Tinder var hleypt af stokkunum árið 2012 en Twitter fyrir áratug. Pokémon kom út í síðustu viku.
Appið er framleitt hjá Nintendo og Niantic og hefur hlutabréfaverð fyrrnefnda fyrirtækisins rokið upp eftir árangurinn. Hlutabréfin hækkuðu um 23 prósentustig í kauphöllinni í Tókýó í morgun en á föstudag hækkuðu þau um tíu prósentustig.
Í Pokemon Go eiga spilarar að leita að og hremma pokemonfígúrur í raunheimum með hjálp sýndarveruleikatækni. Leikurinn er ókeypis en hægt er að kaupa ýmsa aukahluta í smáforritinu. Það er nauðsynlegt til þess að geyma, þjálfa og láta fígúrurnar berjast við aðrar.
Frétt mbl.is: Pokemon skýtur Nitendo á toppinn
Hellisheiði og Þrengsli ekki opnuð í dag
Björgunarsveitir kallaðar út í nótt
„Við munum grípa inn í“
Éljagangur en síðan slydda eða rigning
Taka upp grímuskyldu á Landspítalanum
Sex fluttir með þyrlunni og þar af eitt barn
Í þögn hjartans
KEF Spa: „Eitthvað sem þú hefur ekki séð áður“