Margir vilja eintak af stjórnarskránni
Setja bókamerki
Kiljuútgáfa af stjórnarskrá Bandaríkjanna er nú í öðru sæti yfir mest seldu bækurnar á Amazon eftir að stjórnarskráin komst í umræðuna í aðdraganda forsetakosninganna í landinu. Útgáfan sem um ræðir kostar einn bandaríkjadal eða um 118 íslenskar krónur og gefin út af The National Center for Constitutional Studies. Komst hún í annað sætið á laugardaginn eftir ræðu Khizr Khan á flokksþingi demókrata í síðustu viku. Eina bókin sem er vinsælli er Harry Potter and the Cursed Child, sem kom út á sunnudaginn.
Khan er bandarísku múslími sem missti son sinn í Íraksstríðinu.
Hann sagði á þinginu að Trump hefði fórnað „engu og engum“ fyrir land sitt. Hans eigin sonur, sem dó af völdum bílsprengju í Írak 2004, hefði hins vegar ekki einu sinni fengið að vera í Bandaríkjunum ef Trump hefði fengið að ráða, en Trump hefur kallað eftir að múslimum verði bannað að koma til Bandaríkjanna. Þá hélt Khan á eintaki af stjórnarskránni á meðan hann ávarpaði samkomuna og bauðst til að lána Donald Trump, frambjóðanda repúblikana, eintakið sitt. „Hefur þú lesið stjórnarskrá Bandaríkjanna? Ég mun glaður lána þér mitt eintak,“ sagði Khan þegar hann ávarpaði Trump í ræðu sinni.
Þess má geta að í þriðja sæti á metsölulista Amazon er teiknimyndabók eftir G.B. Trudeau sem hefur verið að gera grín að Trump í þrjátíu ár. Sú bók heitir Yuge! : 30 years of Donnesbury on Trump.
Bein útsending: Ríkisstjórnarsamstarfið kynnt
Nágrannaþjóðir upplýstar en við vöðum í blindni
Beint: Gengið á fund forseta
Kristrún Frostadóttir verður forsætisráðherra
Víkingar komnir yfir 800 milljónir í greiðslur
Stóðu skógarþjófa að verki