Ræða við Krispy Kreme

Hagar hafa skráð lénið krispykreme.is og virðast vera í viðræðum við eigendur Krispy Kreme um að fá sérleyfi fyrir það hér á landi.

Krispy Kreme Doughnuts er alþjóðleg kaffihúsa- og kleinuhringjakeðja ekki ósvipuð Dunkin Donuts sem opnaði hér í fyrra.

Dunkin Donuts og Krispy Kreme eru keppinautar í Bandaríkjunum og selja bæði kaffi og kleinuhringi auk ýmiss konar morgunverðar. Helsti munurinn á þeim er að Dunkin Donuts hefur lagt áherslu á að vera með gott kaffi en Krispy Kreme hefur lagt áherslu á að vera með góða kleinuhringi, að því er fram kemur í umfjöllun um fyrirtæki þessi í Morgunblaðinu í dag.