Tveir nýir Dunkin Donuts staðir verða opnaðir hér á landi á næstu vikum, í Fitjum í Reykjanesbæ og í komusal flugstöðvar Leifs Eiríkssonar. Með þeim verða Dunkin Donuts staðirnir á Íslandi orðnir fimm talsins en á morgun er ár síðan að fyrsti staðurinn var opnaður á Laugavegi.

„Á flugvellinum verður staðurinn hluti af verslun 10-11, svipuð hugmynd og í Hlíðasmára,“ segir Sigurður Karlsson, framkvæmdastjóri Dunkin Donuts á Íslandi í samtali við mbl.is. Á Fitjum verður 10-11 búð þar minnkuð og gert pláss fyrir Dunkin Donuts. Sá staður verður stærri en á flugvellinum með  góðri sætisaðstöðu að sögn Sigurðar. Þar verður líka opnaður heilsustaðurinn Ginger sem er þegar inni í verslun 10-11 í Ármúla. Bæði Ginger og Dunkin Donuts hér á landi eru í eigu 10-11.

Sigurður segir stefnt að því að opna staðinn á Fitjum um miðjan mánuðinn en á flugvellinum í lok mánaðar eða byrjun september.

Eins og fyrr segir er nú ár síðan að fyrsti Dunkin Donuts staðurinn var opnaður hér á landi og verða þeir fimm á næstu vikum. „Langtímamarkmiðið er þó að opna sextán staði hér á landi þannig við er um rétt að byrja,“ segir Sigurður.

Sigurður Karlsson, framkvæmdastjóri Dunkin Donuts á Íslandi

Tengdar fréttir

Dunkin Donuts

Segir verðlagningu á markaði ágæta

• Auka þarf hlutafé Isavia til að hraða uppbyggingu
• Tyrkneska líran hrynur í verði
• Dunkin' ætlar að opna fleiri staði
• Loka Dunkin' Donuts á Laugavegi

» Fleiri tengdar fréttir

• Blogga um frétt