Bankaráð Landsbankans hefur ákveðið að höfða mál fyrir dómstólum vegna sölunnar á eignarhlut bankans í Borgun hf. á árinu 2014. Það er mat bankaráðs að bankinn hafi farið á mis við fjármuni í viðskiptunum þar sem bankanum voru ekki veittar nauðsynlegar upplýsingar.

Þetta kemur fram í tilkynningu frá Landsbankanum.

Forsaga málsins er sú að í  nóvember 2014 var 31,2% hlutur Landsbankans í félaginu Borgun hf. seldur til félagsins Borgun slf., en eigendur þessu eru félagið Or­bis Borg­un­ar slf., Stál­skip ehf., P126 ehf. sem er í eigu Ein­ars Sveins­son­ar í gegn­um móður­fé­lagið Charam­ino Hold­ings Lim­ited sem skráð er á Lúx­em­borg.

Þá á fé­lagið Pét­ur Stef­áns­son ehf. einnig hlut í Borg­un slf., en for­svarsmaður þess er Sig­valdi Stef­áns­son. Söluverðmæti hlutarins var 2.184 milljónir. Gagnrýnt var að félagið hefði ekki farið í opið söluferli. Í janúar 2016 var upplýst að Borgun auk Valitors myndi hagnast verulega vegna yfirtöku Visa international á Visa Europe. Sagði Morgunblaðið að um væri að ræða samtals á annan milljarð.

Þá komst Fjármálaeftirlitið að þeirri niðurstöðu í mars að verklagi Lands­bank­ans við sölu á eingarhlut sínum í Borg­un árið 2014 hefði verið áfátt og heilt á litið ekki til þess fallið að skila bestri niður­stöðu fyr­ir bank­ann.

Uppfært klukkan 15:55: Samkvæmt upplýsingum frá Landsbankanum er ekki búið að gefa út stefnu í málinu. Málið er í höndum lögfræðinga og mun Landsbankinn ekki tjá sig frekar um það að svo stöddu.

Tengdar fréttir

Borgun

Von á ákvörðun um matsmenn í Borgunarmáli

• Hvatti til breytts verklags
• Ekkert sem bendir til lögbrots
• Frávísunarkröfu Borgunar hafnað
• Engar vísbendingar um leka

» Fleiri tengdar fréttir

• Blogga um frétt