Gætu fengið 1,5 milljarða í bónusgreiðslur
Setja bókamerki
Tuttugu manna hópur sem starfar hjá eignarhaldsfélagi Kaupþings getur fengið úthlutað samtals tæplega 1,5 milljörðum króna í bónus sem verður greiddur út ekki síðar en í lok apríl 2018. Þetta kemur fram í DV í dag.
Þar segir að að stórum hluta verði um að ræða sömu starfsmenn og hafi þegar fengið greiddan bónus upp á tugi milljóna samtímis því að Kaupþing lauk nauðasamningum um síðastliðin áramót. Takist þeim að ná tilteknum markmiðum sem miða að því að hámarka virði óseldra eigna Kaupþings og þar með endurheimtur kröfuhafa félagsins eiga þeir í vændum enn frekari bónusgreiðslur.
Í sumum tilfellum geta starfsmenn fengið um og yfir 100 milljónir króna í sinn hlut, en verðmætasta eign Kaupþings er 87% hlutur félagsins í Arion banka.
Tillaga um bónuskerfið verður lögð til samþykktar fyrir aðalfund sem fram fer 30. ágúst.
Í starfskjarastefnunni sem DV hefur undir höndum er sérstaklega tekið fram að bónuskerfið sem nú verður mögulega innleitt nái ekki til stjórnar og annarra stjórnenda Kaupþings en hins vegar verði komið upp sérstöku bónuskerfi fyrir þá síðar meir.
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana
Hrikalegt að heyra fréttirnar
Funda með þingflokkum
Barn lést í árásinni
„Þetta er ríkisstjórn almannahagsmuna“
„Börn heima sem maður myndi vilja hafa í skjóli“
