Bónusarnir „lykta af sjálftöku“
Setja bókamerki
Bjarni Benediktsson, fjármála- og efnahagsráðherra, segir milljónabónusa til handa starfsmönnum eignarhaldsfélagsins Kaupþings lykta af sjálftöku. Þetta kom fram í kvöldfréttum RÚV.
DV sagði frá því fyrr í vikunni að tuttugu manna hópur sem starfaði fyrir félagið gæti átt von á því að fá úthlutað samtals tæplega 1,5 milljörðum króna í bónusgreiðslur, ekki síðar en í lok apríl 2018.
„Ég er ótrúlega hissa á að við skulum verða vitni að svona samningum árið 2016,“ sagði Bjarni í samtali við RÚV í dag. Sagði hann að „allt þetta fyrirbæri sem Kaupþing er, og þessir samningar, hreinlega lykta af sjálftöku.“
Ráðherra sagðist aðspurður ekki hafa heimildir til að „stinga sér inn í“ mál á borð við þetta en menn gætu e.t.v. huggað sig við það að lagaumhverfinu hefði verið breytt þannig að menn kæmust ekki hjá því að greiða launaskatt af greiðslunum.
Sáu eldgosið brjótast út frá Snæfellsnesi
Mæðgur dæmdar til að greiða 64 milljónir
Hraunið náð Njarðvíkuræð: Fylgjast með raflínu
Spara stórfé með olíukaupum ytra
Hvað gerðist eiginlega í VMA?
Þórarinn: Tafir á höfuðborgarsvæðinu ekki minni
Gosið gæti varað lengur: Meiri fyrirstaða í gosrásinni
Einar skorar á næstu ríkisstjórn