Air Berlin oftast á áætlun

Air Berlin var oftast á áætlun í ágúst af þeim sex flugfélögum sem fljúga oftast um Keflavíkurflugvöll. Air Berlin var einnig stundvísasta flugfélagið í júlí.

SAS og easyJet og Air Berlin voru reyndar álíka stundvís í heildina, nálægt 70%, samkvæmt könnun Dohop.  

Um 71% áætlaðra flugferða Air Berlin voru á réttum tíma í ágúst. Stundvísi íslensku flugfélaganna er undir meðallagi ef allt flug þeirra sex flugfélaga sem könnunin nær til er skoðað, bæði við komur og brottfarir.

Í heildina var 65% alls flugs flugfélaganna sex um Keflavíkurflugvöll á réttum tíma í ágúst, samanborið við 54% í júlí.

Íslensku flugfélögin tvö, WOW air og Icelandair, eru í 4. og 5. sæti þegar allt flug er tekið saman, en Delta lenti í vandræðum í ágúst og aðeins um helmingur fluga félagsins voru á réttum tíma.

• Blogga um frétt