Vegna mistaka Hagstofunnar hefur tólf mánaða taktur verðbólgu verið umtalsvert vanmetinn síðustu sex mánuðina. Samkvæmt nýbirtum tölum Hagstofunnar tvöfaldaðist taktur verðbólgunnar í þessum mánuði og vísitala neysluverð hækkað milli mánaða um tæp 0,5 og er það tengt við leiðréttingu Hagstofunnar á fyrrnefndum mistökum. Hefur vísitala neysluverðs því verið vitlaust reiknuð í sex mánuði.

Verðbólga í september mælist 1,8% eftir 0,48% mánaðarhækkun VNV frá fyrri mánuði. Í ágúst var verðbólgutakturinn hins vegar 0,9%. VNV án húsnæðis lækkaði aftur á móti um 0,10% í september og miðað við þá vísitölu mælist 0,4% verðhjöðnun undanfarna 12 mánuði. Greiningaraðilar höfðu flestir spáð óbreyttri VNV milli mánaða, en ein spá hljóðaði þó upp á 0,3% hækkun.

Í Morgunkorni Greiningardeildar Íslandsbanka eru mistökin sögð afdrifarík þar sem þau hafa orðið til þess að allar verðtryggðar fjárskuldbindingar hafa verið gerðar upp miðað við ranga vísitölu neysluverðs undanfarið hálfa árið.

Þá hafa bæði hagstjórnaraðilar og aðilar á fjármálamarkaði unnið út frá röngum forsendum um verðbólguþróun á tímabilinu. Er Seðlabankinn þar á meðal sem byggði ákvörðun sína um vaxtalækkun í síðasta mánuði á forsendum um verðbólgu, verðbólguvæntingar og raunvexti sem hafa nú reynst bjagaðar vegna skekkju Hagstofunnar.

Að mati greiningadeildarinnar er það brýnt að Hagstofan fari yfir verklag sitt við útreikning vísitölu neysluverðs, svo slík mistök verði síður gerð í framtíðinni.

Tengdar fréttir

Villa í útreikningum Hagstofu

Hagstofan leiðréttir tölur um kortaveltu

• Leiðréttir ný neytendalán
• „Reyndu að fá til þín iðnaðarmann“
• Ofspáin í raun minni en talið var
• Áhrif á almenning hverfandi

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Hafgstofan semsagt ekki marktæk eins og RÚV kannanirnar.